范萱蔚（Percy）最近與EO2成員Eddie合資潮店「Bep！」，首次榮升老闆娘的Percy，坦言是逆市創業：「我對時裝潮流好有興趣，咁啱有班志同道合講開舖，講講吓就成事。（擔心市道差？）So Far生意都唔錯，好多朋友拉隊嚟幫襯。」
Percy其中一位生意拍檔兼攝影師Sunny Lau，與不少圈中人相熟，近日其創作品牌「What a sunny day」與謝安琪（Kay）合作，當中他為Kay設計一件印有「K」字樣的潮Tee，Kay更親身穿上宣傳：「Kay好幫得手！雖然佢好忙，但都抽時間幫我哋影相，佢呢件衫係舖頭嘅鎮店之寶！」
