郭晉安與Sonija合作的劇集《古靈精探B》口碑不俗，雖然已播映完畢，但仍可拍住上接登台及剪綵工作，早前二人到東莞為一間大型傢俬店擔任剪綵嘉賓，每人獻唱1首歌，便已收6位數字酬勞！雖然只是剪綵活動，但大會安排煙火表演，吸引逾千東莞市民圍觀，Sonija坦言想不到宣傳攻勢這樣厲害：「內地好誇張！全街都貼滿我同安仔嘅Poster，仲有公路嘅大型燈箱，真係好勁！」

金剛（左起）、郭羨妮及郭晉安合作無間，連合照都充滿默契。

郭晉安與Sonija大受歡迎，令他們受寵若驚。

Sonija亦交足貨，穿上一條由媽咪釘製的閃片裙亮相，沒有令東莞市民失望：「媽咪花咗1個月時間幫我做條出騷裙，佢好有心機咁逐塊逐塊閃片釘上去，我試過幫手，可惜愈幫愈忙，最後媽咪要趕工趕到清晨5點幾先做得起！」她直言要好好報答媽咪：「我講笑話要食鮑魚就要努力釘，媽咪真係對我好好，希望遲啲可以買番層樓畀佢，不過仲搵緊！」

安仔目擊混亂

不過，由於太多追星一族，出現不少混亂場面，郭晉安（安仔）說：「老闆帶我哋參觀佢哋近萬呎嘅傢俬舖，因為有好多人睇明星，我見到一個人打爛完玻璃瓶，仲跌埋落地，原本想過去睇吓佢有冇事，不過因為太亂，所以畀人拉走咗！」

文：專案組