09/10/2009

播放本新聞相關短片

鄭家維洪杰頒獎禮較高下

英皇新人鄭家維及洪杰(Alex)日前應新城電台邀請到小學表演,家維演出時大受歡迎,原來他對小朋友早已有經驗:「我做咗人哋嘅細叔喇!我個姪今年兩歲,之前都有去啲活動支持我演出。」

他們透露年底前將推出新碟,在頒獎禮上一較高下,家維說:「心情仲未開始緊張,其實最緊要係畀自己有個目標去努力,當係一張成績表囉!都會期待呀!希望新碟大家會鍾意啦!」而Alex透露新歌《我對我》將會邀請幾位跳舞朋友參與排舞,他說:「公司有陳偉霆,我都可以向佢偷吓師,問吓佢意見。」