餅碎區文詩（Angela）早前趁假期，相約一班女友人到日本旅遊充電，首次到鬼怒川浸溫泉的她，因當地人習慣一絲不掛浸溫泉感尷尬：「其實嗰度多數係當地人，唔識就唔太尷尬，反而同朋友肉帛相見先尷尬。」故她為趁朋友入睡後才去浸溫泉，避免尷尬。
不過，她仍不習慣赤裸浸溫泉：「條毛巾仔都唔知遮得邊度，好彩一齊浸嗰啲都係日本人，咁都冇咁尷尬！」但她事後與友人談起才知犯了不少錯誤，她除了浸溫泉時四圍望外，還在溫泉中洗毛巾，原來這些行為均有欠禮貌，難怪當時被投下怪異眼光。
至於日圓高企令Angela不敢亂花錢：「上次去日本已經戒咗買衫，不過我就有搜羅一啲日本二手衫，好多時都買到平靚正嘅衫！」她又透露旅程期間，《蠟筆小新》作者臼井儀人不慎墮崖意外身亡，而其出生地恰巧是她身處的埼玉縣：「當時我哋睇到電視不停報道臼井儀人遇難嘅新聞，自己都好震驚。」