年紀輕輕的Cc，一直酷愛傳統文化，她認為舞火龍可媲美日本的祭典：「其實大坑舞火龍同好多日本祭典都幾似，夠熱鬧又有氣氛！雖然香港天氣比較熱，火龍本身要插滿晒『香』，熱上加熱，不過就係咁先夠氣氛！」她更有興趣親身試舞火龍：「聽聞出年有可能會打破百年傳統，畀女仔做『樁腳』，如果係真，我第一個報名！」

Cc讚嘆火龍製作認真，手工一絲不苟。	4anda（son）未能舞火龍，打鼓一樣興奮。	Cc及4anda（son）舉牌吶喊，柴娃娃得來又幾合拍。

無懼水深火熱

至於4anda（son）的4位大男孩則說：「舞火龍好講臂力同體力，我哋都好想參與！我哋唔怕重、唔怕熱，平時又做開運動，一定可以舞得又Man又有氣勢！咁有特色嘅傳統，如果可以列為國家文化遺產，一定可以吸引更多遊客，將中國文化宣揚開去。雖然今年我哋未有得舞火龍，不過抬蓮花燈一樣咁開心！」