早前在家中突然暈倒的蔡卓妍，曾直言「身體差係入行嘅代價」，前日G.E.M.及鄭融不幸加入「孱女」行列，兩人並非豬流感（H1N1甲型流感）。下月在九展開騷的G.E.M.，前晚11時許與女友人現身養和醫院，戴上口罩的她看來精靈，但開口即變「老牛聲」：「我變咗聲呀！星期日都嚟睇過，但好似仲衰咗，咪嚟睇多次！」

行騷Fing甩手鈪

G.E.M.昨日透過經理人否認感染豬流感，澄清只是喉嚨發炎：「佢之前都聲沙沙啦！唔知係咪嗰日拍MV唱得太用力，把聲即時有問題。」雖然身體不適，但她昨日如常出席活動，經理人說：「專訪已經盡量調，但出騷冇辦法，G.E.M.都堅持唱Live，佢話會到時就住唱。」

至於昨日為《ctf2活力分店記者招待會》擔任首飾模特兒的鄭融，穿上4吋高跟鞋行騷時不慎Fing甩手鈪，失魂魚鄭融說：「前晚又頭痛又嘔，好肯定唔係豬流感，因為我冇咳同鼻水，完騷後去睇醫生！」

文：音樂組　攝：司徒國榮