曾寸爆周秀娜講Talk是「外星人解構外星人」的莊思敏，被問到對方在講座上「廢話連篇」，她說：「我相信佢好努力咁去答！（佢話讀書少先揀做模特兒？）呢個世界咁大，咩人同咩年紀都可以去進修！（外間反對科大請佢演講？）咁要問番科大，佢哋有自己嘅觀點同角度，可能幾新鮮同特別，但出到嚟對學生冇任何幫助同啟發，下次科大請嘉賓就要小心啲！」
另外，肥媽昨日接受《巴巴閉邊個夠我查篤撐》訪問時自爆六年級都未畢業，冇資格批評別人：「我都有做過講座。（贊成佢去？）好難講，有人請佢先去啫！不過我哋啲家長會擔心，怕個女覺得唔使點讀書都成功。」
