學歷不高的周秀娜（Chrissie）前晚毅然到科大與教授作學術對談及學生質詢，智慧即場受考驗，但全程答非所問，即場「露底」！她也自知表現欠佳，完場時明顯心情低落，騷後連衫也不換，便與數名工作人員到尖沙咀食日本菜減壓。

周秀娜乘男友車返西環寓所。

Freeze早已預料周秀娜會被柴台。

抵達尖沙咀後，Chrissie的男友深知女友心情欠佳，二話不說趕來陪伴，令原本Down爆的她再展笑容。一班人狂擦日本菜外，她亦似大吐苦水，直到凌晨零時才肯埋單走人。當記者上前問在講座中答不上嘴，是否要讀多一些書？Chrissie說：「一路都有諗住進修！」她亦承認口才欠佳：「我不嬲都唔識講嘢，加上我同啲學生年紀差唔多，唔好話我教佢哋嘢，只係普通傾吓偈！」其後，她即跳上男友座駕返西環寓所。不過，不少網民仍喪插她，有網民說：「今次成功解讀周秀娜，證明佢冇腦！」有人覺得今次講座是鬧劇一場，浪費資源！

Freeze睇死被彈

另外，組合Freeze與黃子華等昨日出席電影《我女友零零7》發布會，Freeze坦言Chrissie到大學出席講座被彈是預料之內：「如果有身材又有內涵，就做咗大學教師！（擔心G模『入侵』電影圈？）唔知喎！祝佢哋好運，依家G模質素參差，有啲就人做佢又做，好似『抽水』咁！（你講邊個呀？）我哋都認唔到啦！（覺得佢哋突出只係身材？）梗係啦！佢哋都係Sell身材，愈做愈冇底線！（搶你哋工作？）等佢哋搶先算啦！」

文：專案組　攝：追蹤組