榮升「黎太」的樂基兒（Gaile）認真唔憂做，昨日為Toppy旗下時裝品牌行騷後宣布要「冬眠」暫停工作：「心情OK啦！不過有少少攰。我喺內地仲有幾個活動，之後要下年先見大家喇！拜拜！」她表示放假時將返美國探家人，笑言有得休息會勁食。訪問後，Gaile已急不及待提早向記者說「聖誕快樂」：「唔係喎！下個月會有個活動，係我自己設計嘅時裝發布會，但我唔係做模特兒。」
同場的Lisa S.被問到早前宣布有意退休，但她急急澄清：「唔係退休！好多客戶都打嚟公司問我係咪真係唔做！我唔會唔做，只係想放慢腳步，下年會減少行騷，集中司儀同VJ方面發展。」
