樂壇校長譚詠麟（阿倫）絕非浪得虛名，事關見慣風浪嘅佢，即使遇到有傳媒問一啲佢唔太想答嘅問題，佢都唔會拂袖而去或黑面，反而會盡最大努力，盡佢所能一一作答。小小So日前見到阿倫又向樂壇後輩以身作則，一齊嚟學吓嘢喇！
話說早排娛圈連環爆出多位藝人，原來已經秘密結婚，傳媒當然要問吓啲圈中人回應，咁又點少得譚校長嘅幾句眉批呢？但話晒幾位當事人都係娛圈有頭有面嘅人物，校長當時已經努力作答，好等傳媒朋友有嘢交差，殊不知有某電子傳媒仍然唔滿意，死都要套校長講幾句說話，去狠批幾位當事人。小小So見到阿倫，都忍唔住走去八卦吓，睇吓阿倫點回應。
小小So：佢哋咁做係咪唔誠實先？你冇理由唔講番句公道話。
阿倫 ：你想我講呀？好呀，我講囉，！＠＃＄％︿＆＊！＠＃＄％︿＆＊……
小小So：？（Ｏ嘴，唔識反應）
阿倫 ：嗱！頭先我用Fast Forward，快帶答咗你，你返去校番慢餅帶嚟睇，就知我點睇呢單嘢喇！