陳奕迅（Eason）前晚出席《勁歌金曲》錄影，談及好友容祖兒被指擁有三間豪宅兼身家逾億，「丁太」楊千嬅則低買高賣豪宅而勁賺三千多萬元，Eason對此說：「證明女士們搵錢叻過男士們啦！（你身家過億？）我好大使！買件衫成十萬，底褲都幾千蚊條！賺到錢唔使啲錢就唔係自己啦！」記者取笑他應學千嬅炒樓賺錢，Eason即笑說：「真係要同千嬅Friend啲！收吓料，識咗佢十幾年都唔知佢理財咁叻嘅。」Eason在節目中與鄭伊健對談時竟「老貓燒鬚」，將無綫講成有線，搞到該段要重錄。

鍾嘉欣對「偷食」反感

自言已五、六年沒有出席《勁歌》的伊健有點緊張，問到唱歌仍有否「鄭伊健腔」？他笑說：「有少少，監製話要有啲個人風格。」伊健近日為唱片及演唱會密集式宣傳，他直言正適應中，因稍後還要做電影《風雲2》的宣傳，現時最不習慣是少了時間打羽毛球。記者笑他與女友蒙嘉慧少了見面時間，反而有機會與舊愛梁詠琪碰頭，伊健說：「冇所謂，做嘢啫！我哋係專業嘅。」

此外，鍾嘉欣對被指瞞着林峯「偷食」伍允龍，她直言對報道用詞感到不開心，並強調對方是相識很久的朋友，更揚言若找到真命天子定必公開。

文：影視組