蔡卓妍（阿Sa）獨立發展後愈戰愈強，新歌《生還者》大受歡迎，日前她到淺水灣的獨立屋拍攝MV，以一身黑色連身短裙打扮上陣，大騷長腿，增添不少女人味！雖然導演安排一位高大型男做男主角，可惜二人親熱戲欠奉，反而阿Sa跟幾位不同國籍的女模有肌膚之親！她說：「幾個Model扮公仔，導演要我瞓喺佢哋身上，好似人肉床墊咁！我成日掂到佢哋啲敏感部位，不停Say Sorry，雖然大家都係女仔，不過始終有啲尷尬囉！」

抗拒多角戀

雖然阿Sa相當尷尬，但男同事卻大叫羨慕，無不想代替阿Sa的位置：「班Model都算好彩，如果換個重磅嘅人瞓落去，一定不堪設想！我瞓上去都唔敢郁，好驚整痛佢哋！」提到MV講述多角戀，阿Sa坦言不能容忍男友將女友當成收藏品：「梗係唔得啦！一腳踏兩船都嫌多，仲話幾船？我不嬲都好理智，一定會掉頭走！」