李彩華（Rain）正與吳卓羲在橫店拍民初劇《大丫環》，兩人飾演年輕夫妻。早前他們拍攝一場爆破場面，Rain猶有餘悸地說：「劇情講有人暗殺我哋，有爆破場面，但導演為咗要我哋嘅真實反應，事前冇通知幾時爆，結果真係爆嗰陣，我嚇到要掩住對耳，仲差啲畀空彈同道具射中面，好彩最後冇事，不過拍完後，有短暫時間聽嘢唔係好清楚。」猶幸Rain獲緋聞男友王傲山以長途電話安慰，她甜笑說：「我哋有保持聯絡，話晒係朋友，早排中秋節都有打電話講中秋節快樂。」