日前Amanda S.曾公開力撐熊黛林（Lynn）條件好，可以找個更好的男人，不過Lynn似乎不太領情，還反過來撐男友，指說郭富城是花心的報道是假的。對此，昨日Amanda S.出席Veuve Clicquot香檳活動時說：「我唔知喎！我都唔識睇中文，啲人話佢（Lynn）自殺吖嘛！講到好嚴重咁。（覺唔覺得Lynn好投入？）其實佢哋有呢啲新聞已經好多年，都成兩年。我覺得同一個人拍拖拍咗兩年咁長時間，就算係朋友都好，成日見都會好Close。」

2000年，Amanda S.因拍MV與城城結緣。

Amanda S.與外籍男友Christian大方公開戀情，經常情侶檔出席活動。

點都要有Limit

當再問她可會覺得Lynn盲目支持城城，她就直指愛情是盲目的，有愛情便甚麼都有可能發生，還似有所指地說：「即使係外人覺得嗰兩個人唔襯，佢哋都係會一齊，有時一個對另一個唔好但都係會一齊，又或者係兩個明知到最後無結果，不過都會繼續一齊，愛係無條件嘅。」所說的情況似乎跟Lynn的處境很相近，似乎暗寸Lynn愛得盲目。與外籍男友Christian感情穩定的Amanda，以前亦曾跟城城傳過緋聞，問她當時是否也對城城愛得盲目，她即說：「吓！我哋當時只係朋友咋喎！就算點盲目都有個Limit（限度）。」

至於可會覺得Lynn對她的一番鼓勵說話並不領情，她說：「我冇講啲咩，我冇鼓勵佢，只係話佢會搵到個好好，好高嘅人。任何人都唔應該為情自殺，愛情隨時都會發生。我有個朋友五、六十歲都Fall In Love啦！」