近日屢傳「天王嫂」地位不保的熊黛林（Lynn），早前被指失戀自殘入院，而與城城傳緋聞的Amanda S.亦暗寸城城花心，指Lynn可以找一個更好的男友。當外界以為Lynn甩拖之際竟有突破性發展，昨日Lynn原定出席公司兩周年活動及晚上派對，但戀愛大過天的她只出席下午活動，其後突然攞假赴泰攻「城」！明日29歲生日的她，去年生日攻「城」成為城中熱話，而城城昨日已飛往泰國拍攝新片《B+偵探》，為了見面兼慶祝生日，Lynn昨日完成活動後即急急腳乘七人車直駛機場，赴泰與城城相聚。

有Lynn飛往泰國陪伴開工，相信城城必定充滿力量。 資料圖片	Lynn低調現身機場，相信她是飛往泰國與城城慶祝生日。	放大圖片

當Lynn到達機場後發現有記者拍照，即一臉風騷，孭着Chanel手袋的她未見攜帶行李。問到是否到會合城城，她說：「唔係！（生日點過？）應該唔喺香港！我未收生日禮物。（到目的地就會有？）到咗梗係有，我多朋友！」

昨午，Lynn以全套Fendi新裝慶祝公司「生日」，問到是否與城城度過生日，她說：「唔講得！過完就知！（二人世界？）總之唔係一個人！（城城介意？）我唔鍾意畀人攞嚟講！」雖然對行蹤絕口不提，但心急會情郎的她竟不自覺露出蛛絲馬迹，提到早前城城在日本急返港「交人」時，她說：「佢都唔喺度！（傳你失戀自殘？）唔會，我驚痛！（城城慰問你？）我冇同人講！（佢有探你？）冇人探我。（同城城好疏離咁？）做嘢要專心。（最後一年二字頭生日？）我好開心，覺得依家愈嚟愈成熟，有女人味，我依家不斷努力學習！（襯番城城？）我覺得成熟嘅女人吸引過後生女！」似在暗寸早前與城城傳緋聞的王秀琳。

力撐緋聞男友唔花心

對於Amanda S.撐她可找個更好的男友，Lynn處處維護城城：「之前啲新聞全部係作！唔係事實，亂寫！（城城花心？）嗰啲係亂作！（佢認錯？）佢都冇做錯，點解要認錯！（佢好專一？）呢個要問番佢自己。（生日願望想結婚？）冇咁快，我想《葉問2》大賣。」而Lynn經理人Kim表示不清楚其私人事，但承認她生日會放四至五天假。而城城經理人小美說：「我一向唔過問藝人工作以外嘅事，正常社交都唔需要大驚小怪！」而城城將於本月11日返港出席電影《阿童木》活動。