因動漫節而人氣急升的「齙牙薛凱琪」Cherry，笑言似薛凱琪是好事，更自爆曾想箍牙：「細個覺得隻齙牙唔靚，當我想箍牙就有好多人叫我唔好，話呢個係我賣點！」笑容甜美的她試過面對幾十支鏡頭，因而覺得做「o靚模」毫無滿足感：「經過上次動漫節之後，覺得做模特兒嘅滿足感唔及演戲，就算觀眾幾少，我都會好開心！我最鍾意林嘉欣，佢唔單止好Sweet，演戲仲好有感染力！」她表示明年不會再參加動漫節，加上來年要應付會考，故現時已減少接工作。

處女廣告一Take過

年僅16歲的Cherry，做模特兒已有兩年時間，她表示最難忘是在中二時所拍的處女原子筆廣告：「拍嗰時有好多對白要記，不過可能當時我仲係好細個，記憶力特別好，個Shot竟然一Take過OK！」

Profile

姓名：顏卓靈（Cherry）

身高：165cm

體重：47kg

廣告：Pilot原子筆、海洋公園哈囉喂宣傳片、政府TVC、維他奶等。

文：專案組