男子組合Square成員James、Gary和Rex日前應邀玩「友畫你」，事前三人表示最愛玩鬥智鬥力遊戲，經常相約到Cafe玩Pictionary，更自誇「估畫」冇難度！不過今次「整蠱」Gary和Rex的畫就是「身材澎湃」，兩位型男一聽到畫名立即「硬晒軚」，令James　爆頭也估不到！

當日抱病在身的James戴上口罩，被兩位兄弟連環夾擊，不過自認高手的Rex及Gary，卻被題目「身材澎湃」考起，Gary看過題目後即說：「嘩！我驚會畫鹹濕嘢出嚟喎！」比賽開始時，Rex與Gary不約而同畫了人形公仔，但未有畫出女人身材，十分怕醜。由於有口難言，Gary突然站起來指住上圍及Pat Pat，雖然用盡身體語言表達，但仍未能完成任務。

「笑面」變「香蕉」

Gary要求再玩第二回合，今次題目是「棟篤笑」，看似輕易得多，Rex由淺入深先畫「尾字」，並畫了一個笑容，雖然初時James誤會是「香蕉」，最後加上眼睛後才估中「笑」字，而Gary在白板上用筆狂點，James即醒目地估到是「棟篤笑」，在一分鐘內完成任務。

遊戲小貼士

小時候與同學玩的有口難言，今天已演變成一個遊戲，雖然遊戲規則是不能開口說話，但James則有個貼士給玩家：「其實有竅門！如果我負責畫，我會先將字數打交叉，咁組員就可以容易啲估。」

文：專案組