由Angelababy代言的網上遊戲《Baby衫十六變》推出遊戲型廣告，玩家可為Baby隨意換衫，當中包括「純情學生」造型。廣告播出後，葵青區天主教母佑會蕭明中學的學生，發現該校服與她們學校的相似，因不滿Baby大玩制服誘惑引起負面聯想而令母校蒙羞，故在Facebook發起「捍衞蕭明校服」群組聲討，更有逾千校友支持，引起軒然大波！

校方下周向學生交代

記者就事件聯絡蕭明中學，其高副校長說：「我哋聯絡咗遊戲公司，佢哋態度相當好，已經刪除有關相片，又向校方道歉，佢哋話唔清楚點解製作公司會擺校服相上去。（知道反對行動？）舊生同現任學生都有份，校方有聯絡佢哋，佢哋答應會將群組刪除，下星期一校方亦會向全體學生交代呢件事。」高副校長表示事件已解決，而昨晚該Facebook群組亦已刪除。

與事件有關的麥肯廣告香港有限公司創作部，已向校方發出道歉聲明，並即時對廣告作出刪改，更強調此事與Baby無關。至於Baby因身在法國，暫時未作回應，原定於13日為此網上遊戲宣傳的活動未有因而取消。

另一邊廂，日前因應邀到科大演講而捱轟的周秀娜，昨日繼續被查小欣在電台節目中狂轟，指她是扯線公仔，又指科大以通識為名，睇o靚模為實！科大理學院院長鄭紹遠教授以書面回應指，該次演講是希望引起外界思考及討論周秀娜現象背後的深層意義，並指討論社會現象是合理、應該及必須的。

Lavina籲對事不對人

至於o靚模鍾蕙芝（Lavina）和胡心諾（Rainbow）昨日出席PlayStation活動，與兩名天水圍飛馬球員踢波，但兩女踢波變執波，Lavina更不時俯身，春光乍洩！對於Baby的校服風波，Lavina說：「希望大家唔好針對人，千萬唔好人云亦云，要了解件事先去畀意見！」Rainbow則說：「我未睇過佢張校服相，不過工作嘅衫多數係客戶提供，着乜衫係睇工作需要。」對於周秀娜獲邀到大學分享成功心得，Lavina說：「我都讀過副學士，應該相信大學生有分析力。」

文：專案組