讀者梁先生昨日爆料，指與崔建邦 （Amigo）同母異父的哥哥陳明輝原本是生意上的合作夥伴，但四年前起對方先後多次向他所屬公司借錢及賒貨，涉及金額高達七十多萬港元！梁生又指陳借錢後一直未有清還，數度失蹤的他數月前雖曾主動表示會還錢，但其後竟又再次失蹤。

記者就事件致電Amigo，他說：「其實哥哥只係爭落二、三十萬左右，並冇對方所謂七十萬咁多。我覺得呢個報料人好野蠻，阿哥同呢間公司合作咗成六、七年，最近因為哥哥不善經營、生意唔好先結業，而且阿哥亦冇話過唔還錢！」Amigo更表示由於對方知道他是藝人，為了迫令哥哥還錢，更恐嚇要唱衰「崔建邦」，Amigo無奈地說：「阿哥兩個星期前已經因為呢件事報咗警，而我暫時唔會報警住，因為嗰個人冇打嚟追我，而且我想強調成件事唔關我事！」

陳志雲力撐愛將

對於Amigo捲入錢債糾紛，無綫總經理陳志雲力撐愛將，表示其工作不會受任何影響：「件事我一早知道，我有叫佢凡事要量力而為，每個人都要為自己嘅工作承擔。」Amigo的女友唐詩詠則表示不欲干預男友家事。據知，Amigo對同母異父的哥哥一直有情有義，前後更合共為對方清還接近七位數字的債務，與同樣為家人孭債的唐詩詠可謂同病相憐。 文：影視組