成龍及霆鋒前晚在天安門舉行的《建國60周年聯歡晚會》演出時大受歡迎，當晚全中國頂尖歌手雲集北京演出，包括宋祖英等亦是獲欽點演出的歌手，其中成龍與劉媛媛合唱《國家》，而霆鋒則與台灣歌手熊天平及內地歌手屠洪剛合唱《大中國》，霆鋒表示為了出席是次晚會特別訂造一套「中山裝」赴會，更坦言有幸出席這次晚會十分榮幸！

坐第一排閱兵

而成龍前日早上已獲邀到北京天安門廣場欣賞《建國60周年慶典》，獲安排坐在觀禮台的第一排觀看閱兵儀式，他更興奮地拍下多張照片，事後更自爆唱國歌時情不自禁的流下男兒淚：「我唔知係國家安排定係抽籤，坐到第一排真係好幸運，胡錦濤過嚟時真係有走去握手嘅衝動！」

另外，祖兒日前獲內地中央台欽點，為《建國60周年文藝晚會》演出，並帶領內地知名女歌手孫悅及湯燦合唱其新歌《祖國兒女》，當晚她以Versace的性感晚裝上陣，斜膊露腰長裙令其Fit爆身形表露無遺，祖兒說：「其實都好性感呀！側邊冇遮冇掩，不過我好鍾意呢條裙，所以豁晒出去！（安全措施？）梗係做到足啦，呢個騷好莊嚴，唔可以有任何差池！」

休息不足捱病

完成表演後，祖兒仍不忘與兩位歌手在後台合照紀念，非常開心。她透露早前休息不足導致生病，在北京斷斷續續瞓足18小時，她笑說：「嘩！瞓足18個鐘，終於識醒，成個月都唔夠瞓，今日一次過補償番！」

對於成龍、霆鋒及祖兒獲欽點在《建國60周年慶典》中獻唱，英皇娛樂老闆楊受成說：「我覺得係中國對佢哋成就嘅肯定，作為老闆都感到榮幸，同埋多謝有關當局畀我哋呢個機會。」

文：音樂組、影視組