今屆《2009亞洲小姐競選》進入白熱化階段，自「翻版關之琳」仝曉燕退選後，「A貨李嘉欣」(2)王希瑤即補位成為大熱，可惜其「72變」的整容及隆胸傳聞不絕兼是非多，被「同鄉」台灣代表、曾兩奪「比堅尼小姐」冠、亞軍的(18)劉伊心追擊，有傳「人工美女」難登三甲！

「真嘅先可以變大變細」

昨日20位分別來自「港澳特區賽區」、「中國內地賽區」及「台灣地區賽區」的佳麗首次齊集出席記者會，穿上低胸豹紋裙行Catwalk，雖然清一色「豹妹」造型，但愛出風頭的王希瑤又玩「變幻咪咪」，她自爆「加工」後才能擠出堅挺心形胸：「今日戴咗Nude Bra！（戴咗好多個？）係想盡量表現身材，但都要自然同可以表現自信。」對於被指「咪咪」幻變無窮，她仍死撐說：「真嘅先可以變大變細，假就好難改變，我真係冇隆胸！只係服裝問題，有戴Nude Bra同冇戴分別好大。」對於被勁敵劉伊心暗寸隆胸，她讚完對方身材Fit後，即出言挑釁說：「我遲啲返台灣都會參加比堅尼比賽，可能都有機會贏！」

林紫君騷胸騷長腿，非常養眼！	貌似徐淑敏的李雪婷首次見傳媒，表現淡定。	陳意婷笑容可掬，搶回不少分數。

被問到王希瑤涉「裝假狗」，劉伊心堅拒加工：「我對自己身材有信心，冇戴Nude Bra，屬真材實料。（邊個身材好啲？）大家都好。（出術欠公平？）可能服裝需要。（佢冇自信？）唔清楚，我哋感情好好。」廣東話麻麻的她自我介紹時，將名字讀成「劉醫生」。

首度亮相的8位「中國內地賽區」佳麗質素平均，當中「長腿白歆惠」（12）陳曉、「翻版徐子淇」(15)許瑩身材高挑，而貌似徐淑敏的「小咪神」（9）李雪婷上圍亦甚有睇頭：「戴唔戴Nude Bra冇問題，最重要上台靚就得，自己就冇，冇留意王希瑤身材，覺得佢好靚同有氣質。」

採：影視組

文：專案組

攝：黎志輝