名模Rosemary對一度熱爆全城的o靚模潮並沒有太留意，更直指不知誰是周秀娜，只對Angelababy（楊穎）有印象。她以前輩身份直指o靚模身形欠佳，難以進軍國際。
身為名模的Rosemary坦言，對早前人氣爆燈的o靚模周秀娜及鍾蕙芝（Lavina）不太認識，唯獨對Angelababy稍有印象：「因為我唔識睇中文，所以唔太知發生咩事！但覺得Baby幾好，佢個樣好Cutie！」不過Rosemary坦言身為o靚模的Baby，難以在模特兒方面有很好的發展：「佢嘅身高會令佢發展有局限，因為好多國際知名品牌嘅模特兒，都需要有一定嘅身高，啲衫先可以Carry得靚！」Rosemary坦言一直努力鞭策自己：「我每日做完騷之後，都會Mark低自己犯咗啲咩錯誤。其實做模特兒氣質同內涵更緊要，唔可以淨係着重外表。」
9歲初嘗杯中物
作為數碼港紅酒節大使的Rosemary，會為第一屆紅酒天使大賽擔任主席評判，她笑言自小與紅酒已結下不解緣：「我記得我9歲嗰陣，爺爺已經叫我試飲紅酒，之後我就愛上咗呢種飲品！」
愛酒不酗酒
笑言紅酒是吃飯必需品的Rosemary，雖然喜歡品嘗美酒，但卻從不酗酒，因為她認為有自制的必要：「輕嘗淺酌係一種享受，過量就唔好，我好享受每次飲酒嘅過程，但絕對唔會畀自己飲醉。我記得最醉嗰次係有少少暈，但冇嘔冇斷片同冇失儀，因為我知道自己差唔多嘅時候，我會停止唔再飲！」
Profile
英文名：Rosemary Vandenbroucke
身高：5呎9吋
三圍：36、25、35.5
酒齡：17年
最喜歡打扮：牛仔褲+Tee
場地：Aria＠中環
文：專案組 攝：沈健程