o靚模師姐Kama曾以為做Model可以着靚衫、賺快錢，但一度「夢碎」的她想過半途而廢！
今年踏入20歲的Kama（羅凱珊），入行已有3年，回想起初入行做Model的日子，她自言十分無知：「以前仲讀緊書就想做Part-time Model，一來短時間就可以賺錢，二來覺得畀人影吓相就OK，完全唔了解真正嘅模特兒行業係做咩，仲試過好大膽咁Send相去唔同模特兒公司自薦，諗番都覺得好彩。」
其後Kama發現原來自己將工作「夢想化」，除了冬天時要穿夏天衫，以及被數十支射燈照住，仍要死頂撐大眼之外，有次她更萌起放棄念頭：「最難忘有次發高燒拍廣告小冊子，嗰陣燒到39度暈暈哋，仲要喺一個鐘之內換十幾套，對住鏡頭已經笑到皮笑肉不笑，真係想放棄，不過最後我冇咁做，因為怕將來會後悔！」
文：專案組