容祖兒（Joey）、古巨基、蔡卓妍（阿Sa）、鄭希怡、胡定欣及劉璇等昨日到澳門擔任「建國60周年活動」嘉賓，剛自北京返港的Joey既疲倦又不夠瞓，坦言擔心影響十周年演唱會的水準，問會否放假休息，她透露稍後會到日本工作三天，每日工作18小時，她說：「我寧願最後一晚唔瞓都去行吓街，行唔到都食吓嘢，飯盒都好。起程嗰陣我仲要搭凌晨機，上到機可能飲啲酒，等自己好好休息。」Joey又表示阿Sa比她更慘，既要拍戲又要出碟，自己則只專注唱歌而已：「人開始大個，會應付唔到，希望同公司講慢工出細貨。」提到謝安琪被批評走音，Joey認為每位藝人都要經歷「萬箭穿心」的階段，捱得過便可「升呢」！

劉璇做一字馬健康操，難度甚高。	阿Sa近日健康響警號，好友祖兒亦表示關心。	胡定欣跳拉丁舞時，被舞伴拋至反轉。

胡定欣疑「失守」

除了一班歌手載歌載舞表演外，更有胡定欣、周家蔚及王君馨穿性感舞衣跳拉丁舞，胡定欣更因動作太大，疑失守「露毛」，事後她反問記者說：「邊度呀？唔會，我打晒底，仲着咗魚網絲襪，知道要跳舞都做足安全措拖啦！」另外，Joey、蔡卓妍明天出席另一活動，屆時會一起擔任持旗手，坐老爺車巡遊。

文：影視組　攝：吳文聰澳門傳真