化身34D性感玉兔的趙碩之（Wylie）曾衰多口被雪，令她一度擔心中秋要像冰皮月餅般放入雪櫃，幸獲公司原諒解凍兼有戲拍，她不諱言今年中秋節百感交集：「我曾經令公司唔開心，好彩佢哋原諒我，能夠同公司關係好番，感覺上好有團圓嘅感覺，所以今年嘅中秋節對我零舍有意義！」

走出雪櫃，她亦不忘曾傳出不和的師妹尹蓁晞（Yumi），她說：「其實仲有樣嘢，令我好遺憾，係Yumi未完成反思期。希望佢可以盡快出嚟，大家不計前嫌並肩作戰，咁樣先係真正人月兩團圓！我可以好有誠意咁承諾，佢出嚟我一定會盡全力幫佢、照顧佢，我唔會再畀機會人哋話我哋不和。」

早前Yumi因連番負面新聞纏身而被雪。 資料圖片	性感玉兔Wylie表情多多。	放大圖片

難忘爭玩燈籠

Wylie坦言愛過中秋節，除了有月餅食之外，更開心的是有燈籠玩，拿着兔仔燈籠的她想起細個與家姐爭玩燈籠：「當時我有個兔仔燈籠穿咗個窿，覺得係家姐整爛，特登走去拮爛家姐個兔仔燈籠，跟住向家姐『自首』，嗰刻先發覺原來錯怪家姐，唔係佢整嘅，但都已經恨錯難返，我哋兩個嘅寶貝燈籠都爛哂！自此我知道有仇報仇唔係好事！」

不怕肥的趙碩之，自言最愛吃雙黃蓮蓉月餅。

趙碩之變身性感玉兔，玩兔仔燈籠迎中秋。

文：專案組　攝：黎志輝