側田前晚與譚詠麟（阿倫）及古巨基等出席新城慈善音樂會，事先張揚不受訪的側田唱完《命硬》後說：「嘩！好High！趁呢個機會多謝喺呢個星期打過電話同SMS畀我嘅朋友，多謝你哋支持，送首歌畀大家聽，I'll be OK《B.O.K》！」
同場的阿倫又有妙論，指側田的帽子是「神奇帽」，問他有否以校長身份訓示側田？阿倫抵死地說：「問佢有冇得剩呀？定係問佢頂帽係咪用頭髮做？大家唔好再講喇！係咪想睇佢點過海關呀？」他認為曹格已表現出內疚及歉意，望大家給他機會。至於曹格早前與小師妹楊青倩為合唱歌《月兒又彎彎》拍MV，青倩認為師兄是個勇於認錯及願意負責的男人。
另外，徐子珊載歌載舞，可惜唱至第二首快歌時不夠氣，走音又甩嘴，事後她說：「唉！第一次喺大型音樂會上做Opening，好緊張！臨上台前又因鼻敏感噴咗啲藥，唱到好吃力，我都好忟憎自己！」