陳法拉於前晚合家歡時段播出的劇集中，公然寬衣解帶，本報接到讀者投訴，指摘無綫亂灑鹽花，又痛斥無綫賣弄色情！
本報昨日接到讀者投訴，指無綫於前晚合家歡時段播出的《有營煮婦》中，陳法拉在洪天明面前兩度寬衣，畫面中的她徐徐脫去外衣後，僅剩胸圍，該片段更長達30秒，故讀者直斥無綫在合家歡時段內亂灑鹽花，有教壞細路之嫌，讀者曾太致電本報時說：「簡直離晒大譜！之前已經有車震啦，依家仲搞啲咁嘅嘢！呢啲鏡頭根本唔使咁交代啦，擺明係別有用心，增加收視啦，細路睇完都要洗眼！」而讀者黃小姐亦表示，鏡頭可推向半身或背脊處理，不必要把焦點放在法拉的胸部。
袁彌明斥零尺度
由於劇集在親子時段播出，不少網友在該劇官網留言痛斥，對於法拉的大膽演出，大部分網民均被她嚇呆，有人更直斥該幕多餘，絕對不用拍攝她露出內衣，更指摘教壞細路，家長會向廣管局投訴！
記者昨日就事件致電袁彌明，她直斥無綫的節目毫無尺度可言：「吓？雖然我未睇過，不過內衣同泳衣唔同囉！有冇咁嘅需要呢？不過《美女廚房》都係淫褻啦！佢哋（無綫）根本冇尺度可言！」談到該場口於合家歡時段內播出，她直斥：「有乜劇情需要咁呢？佢除剩Bra擺明就係賣弄啦！可能因為係法拉，就用呢樣嘢嚟做賣點！」
堅拒三點畢露
至於法拉昨日出席《有》劇活動時，談到除衫戲相當大膽時，她說：「因為呢套係喜劇，所以尺度寬鬆少少，拍嗰陣都擔心出唔到街！監製就同我講話冇嘢，咪當着泳衣囉！」她強調只此一次。
問會否接受《色，戒》的尺度？她說：「梗係唔得！最多只可以露背，如果要露三點，就一定一點都唔可以露，露背拍出嚟嘅感覺都好Sexy，但一定要打底！」
此外，法拉表示劇中的Bra是「私伙」，因為戴上的感覺會較為舒服，不會輕易走位。問到為何會有除衫場口？她說：「劇本一早就有，其實導演好細心，埋位前仲畀條毛巾我冚住！」問將來會否有更激演出？她說：「冇o架喇，呢個應該係電視嘅底線！」
文：專案組