林峯昨日以「護眼大使」身份，出席於荃新天地舉行的《奧比斯襟章運動》，為呼籲各界捐輸，林峯不怕到落後地區探訪，以了解更多貧苦地區的眼疾問題，林峯說：「大會想我去加拿大奧比斯總部了解，其實我更加想去落後地區探訪，親身睇手術過程，我唔驚，親身經歷過呼籲先有說服力。（中秋節有乜節目？）我要開工，但屋企人嚟咗香港過節，收工會一齊食飯。（冇得人月兩團圓？）我都想，同屋企人團圓囉！仲會跟屋企傳統玩擲骰仔，贏咗有得食狀元餅！」