李嘉欣昨日出席海港城舉行的《PSPgo全球第一首賣發布會》活動，獲大會送上黑、白各一部的Love Set遊戲機，又送出一部為她訂造的特別版義賣籌款。

大會安排四位女孩化身嘉欣《原振俠》的角色、港姐、新娘造型行騷，但女孩興奮四圍跑，沒有與嘉欣握手；有一位女孩更緊握鮮花，不願送給嘉欣，場面尷尬！事後嘉欣說：「可能佢貪靚，想用支花襯托番佢件衫啦！（敢唔敢生？）小朋友係咁o架啦！聽話先驚呀！活潑啲好。」

可愛的小女孩向嘉欣獻吻，逗得她很開心。

四位化身嘉欣過往造型的小女孩，拿着鮮花卻不願獻給她。

讚「黎樂」相襯

對於有傳她有意人工受孕，她否認：「婚後我生活得好開心，我可以代表埋我另一半講呢句，有冇都冇所謂，結婚唔係為咗生BB，唔一定要有下一代。（冇壓力？）係都唔使等我啦！」

對於好友黎明與樂基兒結婚，她自爆報道出街前幾個月已知道，問到黎明是否娶得好太太，她說：「當然啦！天生一對，佢同我講時都好低調，所以冇送禮。」

另外，問她是否搶o靚模做遊戲機活動的飯碗，她說：「我嘅市場好廣泛，每個人都有自己嘅Market Share（市場佔有率）。（o靚模當道有冇構成威脅？）都扯唔上關係，我反而多咗廣告。（老公唔使畀家用？）我一部分嘅收入、同一部分嘅所謂『家用』都用嚟做善事，幫助小朋友、動物同獸醫。」問到中秋節會否為老公下廚，她說：「唔會虐待佢，但佢都食過我煮嘅餸，仲話日日食都得。」