同是金牌大風棄將的楊愛瑾（Miki），被問到知否傅穎欲轉公司一事，她說：「我知佢搞緊，上網都有問候過佢，我會支持佢嘅意願。（感同身受？）唔可以咁講，大家遭遇同待遇都唔同。（佢會去邊？）大家有傾過，未落實唔方便講。（公司環境唔好？）我係約滿先走。（有冇留你？）佢有問我有冇興趣再合作，我話可以，不過唔想單方面發展，覺得好唔實在。」Miki還暗示因黃栢高而走：「其實佢真係幫咗我好多，如果唔係都未必入到行！只係同公司合作咁多年，已經冇乜火花，想試吓同其他公司合作。」另外，問到與郭永淳的緋聞，Miki說：「我已經回應咗好多次，我哋係朋友唔係男女朋友，依家想專注工作。」