傅穎（Theresa）由被捧變成「棄將」，除了因為與鄧麗欣爭做一姐而經常傳是非外，還有因走音片段在網上熱播，被嘲為「屎」上最強歌手。另外，有指Theresa工作上多次觸怒無綫，令無綫不再派人採訪，令金牌相當頭痛！黃栢高失勢後，新接管的陳輝虹即冇面畀，每次談及Theresa均句句有骨，促使雙方解約！
間接踩歌藝
陳輝虹於5月時曾談論Theresa的歌藝，直認她因走音令觀眾產生負面形象，更暗踩她的歌唱天分：「我哋覺得佢喺繪本、文字上更出色，只係潛質未發揮，畀啲時間佢啦！」
大談「幽靈論」
Theresa在7月書展推出的新書中，自爆遇上圈中愛情騙子，矛頭指向金牌太子爺鄭中基，但陳輝虹對此說：「我覺得呢個人存唔存在都成疑問，可能係幽靈！」
明寸冇錢賠
直到9月，陳輝虹承認Theresa主動要求解約，繼續踩多腳說：「祝佢以後事事順利！唔使佢賠償公司損失，佢都賠唔到幾多，我哋無條件畀佢走！今日留一線，他日好相見。」