提及身體最騎呢或最唔得光的部位，已改名姚予晴的名模姚書軼（Mikki）竟笑言沒有，反而最令她足以自豪的，是擁有一身又白又滑的幼嫩肌膚。有指大多數上海人皮膚白滑，但她卻另有見解：「唔一定，通常喺香港嘅上海人先係皮膚白滑，十個有九個都係，但喺上海只係十個有五個嘅比例，我都唔知點解！」
她坦言柔滑肌膚全因遺傳自媽咪：「我媽咪皮膚仲靚，佢乜都唔搽，但我摸佢皮膚就好軟好滑，冬天只係皮膚好乾先搽啲雪花膏。」至於護膚心得？她表示每星期做三至四次面膜：「我每日有騷行，要化妝，我就日日做Mask！其實面部保養重要之外，頸同手嘅保護都同樣重要，因為呢啲部位最容易出賣你嘅年齡，所以我會做磨沙去死皮，仲要定期搽Hand Cream再用電熱手套保護雙手；而頸就磨沙、美白兼搽Cream。」她又否認皮膚好易上妝：「可能我冇乜毛孔，所以搽少少粉，就畀人感覺好厚，所以我化妝要比人更輕手同更薄。」