關紫藍（Asa）早前趁書展與好姊妹羅靖琋推出寫真集，雖然氣勢不及同期的周秀娜、Angelababy及Kama，但仍俘虜不少男歌迷！眼見3位同行成功攻日，Asa坦言靜待機會：「唔可以心急，我哋比佢哋新，做好香港之後，嚟緊會進軍內地同台灣，不過有機會一定會把握，咩都會試！」

Asa身形瘦削，展現骨感美。

關紫藍暫定6年時間在娛樂圈發展，希望可闖出一片天。

「如果唔得可以轉行」

回歸校園的Asa，是否為事業而放棄學業？她堅定地說：「一定唔會！學業同事業都唔會放棄，唔想畀人覺得得個殼，一定要有內涵，咁先至做得長！」年紀輕輕的她，深明花無百日紅的道理：「讀書會實際啲，唔知第日發展成點，如果唔得都仲可以轉行。（有冇畀時限自己？）暫定25歲，即係仲有6年時間喺娛樂圈發展。」

為求自我增值，Asa每日都會返公司睇報紙及雜誌：「我會揀啲娛樂新聞同同事討論，喺冇嘢做之下都要保持清醒，同埋要知道行情，知己知彼嘛！」對於周秀娜有意推出浴簾，Asa表示很有創意，問到會否效法？她說：「唔知，如果出都會出其他嘢！」

姓名：關紫藍（Asa）

生日：1990年9月28日

星座：天秤座

身高：163cm

三圍：32A、24、31

語言：廣東話、普通話及英語

嗜好：跳舞及戲劇

單身上路少少Dry

Asa透露入行前已跟拍拖多年的男友分手，問到現時有否拍拖？她哈哈笑說：「冇呀！有就一定公開！」記者笑她講大話，鬼馬的她反問記者有沒有好介紹，問到是否怕拍拖影響事業？她說：「唔會！戀愛畀到好多滋潤自己，令個人冇咁Dry。（依家好Dry？）少少啦！（同圈中人拍拖？）隨緣，但一定要專一囉！」