將於下周在新城音樂會中又跳又唱兩首歌的徐子珊，昨日與G.E.M.出席記者會，提到薛凱琪表演時走光，子珊也戥她慘情：「始終係女仔，畀人咁影真係唔好，所以我會好小心做『打底王』，因為好怕走光，好在自己比較肥，唔怕大髀同條褲之間有鬆動位。」

徐子珊與工作人員睇重播，力求完美。

徐子珊（左）與G.E.M.出席記者會宣傳音樂會。

在音樂會中，子珊還有機會與「校長」譚詠麟同台演出，她直言希望與校長合唱經典金曲《愛情陷阱》。她指早前在保良騷中與校長相遇，獲對方鼓勵而開心不已：「不過同校長合唱來日方長，我怕依家自己表現唔夠好，失禮人。」

節食跳芭蕾舞

此外，子珊連續第二年擔任瑞士護膚品牌代言人，早前拍攝新一輯電視廣告。為求達到效果，她主動嚴格控制飲食，穿起雪白的芭蕾舞裙時甚有美態。