近來少有露面的梁詠琪（GiGi），昨日以儼如旗袍的半透明樽領上衣內加Tube Dress，出席Salvatore Ferragamo假深圳萬象城店的開幕禮。GiGi打扮高貴優雅，甚具女人味，更跟向來愛穿旗袍或連身裙的蕭芳芳氣質十分相似！雖然盡展成熟美，但GiGi散發另類性感，谷胸上陣時竟露出胸墊，可謂美中不足。

蕭芳芳平日的旗袍Look，與GiGi的打扮十分相似。

GiGi去深圳為新店開幕剪綵。

遲到頻致歉

雖然GiGi是剪綵嘉賓，卻因遲到令活動延遲一小時才開始，她甫到場即不停致歉。對於不少藝人到賭城秘密結婚，GiGi笑說：「之前有傳媒搵到個同名同姓，但最後發覺嗰個係男人！」她透露暫以工作為重，短期內不會結婚。

但GiGi隨即又自打嘴巴，指結婚最好玩即興：「依家忙到拍拖都冇時間。（計劃結婚？）通常計劃咗就唔會發生，閃電結婚仲好，唔使交代！（男友Sly係結婚對象？）冇諗！我着重兩個人相處多過一紙婚書。（同居？）我成日都唔喺香港，真係好難！」她透露本月只留港六天，即被男友投訴冇時間拍拖。

文：名人組

攝：謝國華深圳傳真