自金牌大風經歷高層大地震，黃栢高被調離唱片部後，不少藝人被波及，首當其衝是本身是非多多的傅穎（Theresa）！繼與鄧麗欣（Stephy）屢傳不和，又傳辣興太子爺鄭中基後，早前更被高層陳輝虹狂寸，最後被打入冷宮！昨日是Theresa的25歲生日，她出席由廣告商為她在海港城舉行的《PSPgo高興興生日會》，與歌迷歡度生日。身穿背心短裙的她，在數名唱片公司人員陪同下出席。大會播放祝賀短片，惟只有同公司的小肥及唐素琪錄片恭賀，相反Stephy、吳雨霏、方力申及側田等冇影，難得Theresa心情未受影響，還開心地切蛋糕，收了兩大袋禮物。

Theresa雖然肯搏肯露，但因是非多多，有傳被金牌大風打入冷宮。 資料圖片

小肥錄片祝賀，Theresa總算有老友撐場。

羨慕楊愛瑾新發展

去年在台灣過生日的Theresa，原來昨晨才返港：「每年生日我都去旅行，今（昨）朝9點幾搭飛機，去到機場先知Book咗23號返，即刻要辦理手續。」談到生日願望，她即若有所指：「事業順利，嚟緊有新景象，桃花運好啲！」有傳不再續約金牌大風？她不置可否說：「呢個問題點答好呢？希望公司個個有好嘅發展，個個都順利！（即係點？）呢個問題都係遲啲答！」問到是否對公司心淡？Theresa即說：「唔係嘅，大家合作好長時間，多謝公司栽培！（羨慕離巢嘅楊愛瑾？）都羨慕佢有新發展，戥佢開心！」

對於「好姊妹」Stephy及方力申未有拍片祝賀，Theresa說：「唔緊要，自己生日最好朋友都祝福自己，收咗好多禮物，好開心！（Stephy冇打畀你？）唔……（即係冇打？）今日（昨日）仲係22號，都未過，未知嘅！」另外，大會安排大隻男、電車男、翻版周杰倫及魔術師祝賀，令壽星女驚喜萬分，其中大隻男狂騷健碩身形，又跪低捉實伊人玉手，令她啼笑皆非：「你勁過好多女人！」

大會安排大隻佬及魔術男獻技賀壽，令Theresa喜上眉梢。

放大圖片

瓣數多多不愁出路

雖然Theresa與金牌大風的關係仍未明朗，但其實她不愁出路，例如她跟好姊妹陳文媛學整閃石精品擺設，加上早前獲品牌SUNGLASS HUT邀請設計限量袋，大可循設計方面發展。另外，她過往出書獲不錯成績，大可繼續出書做才女，再不然可能獲其他經理人公司睇中，繼續其幕前事業。