文：呂曉風　攝：黎志輝

Alia狂煲溫碧霞的經典劇集，激讚偶像身材好。

溫碧霞在《火玫瑰》中的經典形象深入民心。(資料圖片)

有「翻版楊采妮」之稱的張悅（Alia），入行短短三個月，在o靚模界算是新鮮人。年僅19歲的她，視退隱江湖的溫碧霞為性感女神，連對方當年的經典名作《火玫瑰》都翻看了多次，不過數數手指，當年《火》劇播出時，Alia只得2歲，她說：「我係睇番重播嘅，睇咗好多次，佢飾演『海潮』一角真係做得好好，我好細個已經鍾意佢，好有吸引力。最佩服佢咁多年都Keep得好好，一啲都冇走樣！」

Alia表示會以偶像溫碧霞為學習目標，為事業發奮，問到會否倣效溫碧霞走性感路線，她笑說：「吓！我都係掹車邊B Cup咋，不過我都唔介意走另類性感路線。（有咩條件較優勝？）我鍾意笑，有一種親切嘅感覺！」

做o靚模有苦自知

剛出道的她，目前以拍平面廣告為主，別以為o靚模容易做，但其實「有苦自己知」，她說：「有次要去影一輯生蠔專輯，將啲海水連埋生蠔倒落口，其實嗰次係我咁大個女第一次食，之前唔鍾意食，不過為咗工作都要頂硬上！」

護腿有妙法

身為高妹的Alia,擁有40吋美腿,問到有甚麼美腿心得.她說:「其實都冇乜特別心得,間中會做磨沙,同埋有時瞓覺之前做吓按摩!」

Profile

姓　　名：張悅﹙Alia﹚

年　　齡：19歲

三　　圍：32B、23、33

模特兒公司：Pure Models