鄭希怡、張家輝及江若琳等昨晚出席晚宴，家輝透露將接拍林超賢的《線人》，更不諱言滿意酬勞加幅，但就不及甄子丹加得多。對於有傳張栢芝有喜，他說：「係真嘅會恭喜，不過我未見到霆鋒！」對於有報道指不少已婚男星夜蒲識女仔，家輝坦言曾於內地蒲夜場：「去呢啲地方好閒，唔一定色情！之前我喺內地畀人捉過，記者問啲女仔我嘅表現點，佢哋話我黑口黑面！我唔係扮乖，只係去嗰啲地方唔自在，其實我無時無刻都想鬼混！（向老婆備案？）佢對我百分百信任！」
至於擔任表演嘉賓的鄭希怡穿着露背裝到場，並已做足防走光措施。而江若琳則因經常戴隱形眼鏡睡覺以致左眼發炎，活動後會求診。
