本文重點
楊千嬅與丁子高由不被看好,到最近拉埋天窗,千嬅除撐老公身家豐厚,更輕鬆高呼:「呢個男人嫁得過!」
有人千辛萬苦尋覓幸福,但幸福簡單不過,單從丁太楊千嬅的甜笑就找到答案。雖然兩年多的「高楊戀」風雨無間,但二人仍愛得癡纏,千嬅昨日接受專訪時處處維護老公:「初初都會有壓力同懷疑,不過處理得好就會體諒!」對於外界指的姊弟戀及女尊男卑,她笑說:「係佢唔抵啫!佢係新一代年輕人,成熟又細心,反而我就好粗心,成日記錯佢生日!佢好整齊,將來一齊住都唔知點算!」
自嘲唔定性
外界一直拿二人的身家比較,但千嬅另有詮釋:「身家係身外物,最大嘅身家係個腦同工作能力,呢副身家佢多過我好多,呢個男人嫁得過!」訪問期間,千嬅前後四次指這個老公「嫁得過」,因為對方EQ夠高:「其實係我爛蒲、唔定性!報道話佢唔返工,事實佢從來唔遲到,仲會打畀我叫我起身練氣,好有安全感,唔係個個男人有呢種承擔!」
千嬅坦言若非到美國旅行,亦未必會結婚,至於一直不認丁子高做男友,她即豪氣地說:「男友邊認得!點知係咪最後㗎?我向來都話只會認老公,依家我有老公喇!」出嫁後,她自言更有動力去工作,背後是為了凝聚雙方思念:「咁先會大家掛住大家,依家佢都會好掛住我㗎!」
肚箍辟「孕味」
千嬅雖表示生育計劃留待擺酒後才從長計議,問到可會雙喜臨門?她說:「好慘呀!依家要努力減肥,因為有少少肚腩,都會畀人問係咪大肚?打邊爐食多少少象拔蚌都唔得呀!」她又哈哈大笑指臨老才要用肚箍,而且更是加強版:「畀人話有咗,咪即係變相話我肥咗!」看來婚後的她依然貪靚!
化妝:Ling Chan@Zing the Makeup School
髮型:Vic Kwan@Hair Culture
服裝:I.T
場地:馬哥孛羅酒店