十二位港澳賽區的佳麗昨日模仿陳煒去年亞姐總決賽的「吊威吔」演出，競逐「演藝活力獎」。首次被「吊高」的佳麗表現各有不同，莫曉菲起飛前跌到一仆一碌，嚇得她坐地上苦笑，工作人員均取笑她沒有改錯名，真係「唔曉飛」！（2）王希瑤則因畏高嚇到「嘩鬼叫」！不少佳麗也被嚇得在半空中「撐手撐腳」，（6）陸瑞汶伸腳時更疑似失守。相反，（9）鍾維在半空中仍能送出飛吻，成功突圍而出。

（2）王希瑤否認隆鼻，指全身「貨真價實」。	（3）莫曉菲準備一飛沖天之際突然仆地，惟有傻笑遮醜。	放大圖片

林紫君磅重照贏

不過，最後陳煒選出「力量型」的（5）林紫君得獎。煒哥讚她夠活力及仍可保持笑容，甚有個人特色。獲獎的林紫君亦感意外，相信是因打籃球鍛煉體力而取勝，問到體重高達122磅的她可會減肥，林紫君笑說：「以前打籃球要體能諗過要減，但比起其他佳麗都覺得自己橫咗，希望減12磅啦！」

（5）林紫君（左）全場最重，依然獲陳煒垂青，勇奪「演藝活力獎」。	（9）鍾維邊吊邊送飛吻，但最後仍落敗。	（6）陸瑞汶的熱褲愈飛愈鬆，嚇得工作人員一額汗。

此外，王希瑤被指對比擔任模特兒時相貌不同，似有隆鼻之嫌，她解釋是與化妝有關：「想個鼻要幾高，啲化妝師可以幫到你！唔信你哋可以驗吓！我全身都係真嘅。」提到有指林志玲師妹做陪酒女郎，王希瑤坦言會對公司有負面影響：「嗰個人行錯路！（有冇人叫過你？）老闆同老師對我哋有嚴格要求，練得唔好都會打，唔相信有啲咁嘅事。」