有傳羅凱珊（Kama）被周秀娜及Baby逼走，早前被叮出在東京舉行的《Tokyo Girls Collection》時裝騷，她昨日出席日本品牌Peach John內衣騷時解釋：「只係撞咗工作期，有機會下年都想再行，不過要睇番公司嘅工作安排。（再攻日本？）都唔係，雖然我喺日本簽咗公司，但主力會喺番香港。」
對於有指她放料導致與緋聞男友Terry火速分手，Kama說：「有啲人自圓其說，好有故事性，只係自己自行幻想。」當追問「那人」是否指Terry時，她反應極大地說：「我冇咁講過！」並強調與Terry仍是好友。問到會否害怕與富家子拍拖？她說：「拍拖最緊要搵個鍾意嘅，首選係要真心。」她再強調與Terry只是煲水新聞，多謝對方給予她出鏡機會。談到周秀娜出浴簾，Kama說：「希望佢可以喺市場佔一席位！我都有興趣，自用或餽贈親友，不過我唔想出！」