15/09/2009

播放本新聞相關短片

蘇頌輝終極目標做星爺

電視節目主持蘇頌輝(Desmond)毅然離開商界入娛圈,更揚言:「我最想做亞洲下一個周星馳,因為幽默永遠都受歡迎!」

加入電視台做主持半年,Desmond坦言現時的工作簡直是Dream Job:「我喺明珠台介紹生活品味嘅節目,每日見到好多有質素嘅嘢,好似名袋、房車、美食,做呢個節目學咗好多品牌背後嘅故事。」曾在外國私人銀行工作的他,毅然離職開辦禮儀學校,他說:「本來最想做國際級公關公司,但要有知名度,咁啱電視台請人,仲要係英文頻道,我喺外國返嚟,Perfect!」

Desmond的英語及廣東話都流利,但普通話卻是「有限公司」,因此他視李浩林為目標:「佢係主持界大哥,如果好似佢咁有成績就好。」

為了增值,他甚至考慮暫居內地:「有諗過返內地住幾個月,喺全普通話嘅環境入面應該學得好,而且喺香港識普通話嘅價值會比較高!」至於終極目標,他直言:「呢個圈唔到你諗,有啲人做成世都紅唔到,有啲冇所謂又紅咗,我想做亞洲下一個周星馳,明星嘅Life太短,只有幽默先永遠受歡迎!」

音樂組