熱愛賽車的郭富城、吳家樂、錢嘉樂、黃伊汶、潘德俊、李珊珊及其緋聞男友馬漢華等，上周六在成都出席《超級賽車挑戰勁爆秀》，雖然眾人在活動期間玩得興高采烈，不過想不到竟發生不愉快事件。

放大圖片	藝人盡情參加賽車，想不到竟發生偷拍事件。

據知，城城、錢嘉樂及吳家樂等在更衣室換衫時遭不法之徒偷拍，雖然眾人已即往追捕，可惜因房門上了鎖而不得要領。當時在現場的城城憶述事件：「當時我哋喺更衣室度傾緊偈，都未開始換衫。」而馬漢華亦說：「嗰陣突然聽到有聲，潘德俊抬頭睇吓咩事，見到喺氣窗位置有部相機，好彩當時個角度係影唔到啲咩。」城城經理人小美亦慨嘆地說：「風氣唔係幾好，希望可以有個更加安全嘅空間畀啲藝人。」

袁詠儀：要打屁股

雖然有驚無險，但眾人已變成驚弓之鳥，除了第一時間將所有窗口密封外，同行女星獲悉事件更大感恐慌，其中以李珊珊最為激動，她說：「好唔開心，唔明點解啲人要咁偷影，呢個係好差嘅行為。雖然我好慶幸當時唔喺間房度，但如果真係畀人影咗相，就算唔登出嚟，放上網都夠慘啦！其實我一路對於要喺公眾地方換衫都冇乜安全感，依家就更驚，所以我會着定套衫由酒店直接去場地。」

至於黃伊汶則認為「打底」才是自救良方：「啲人咁做好唔啱，係犯法嘅，不過我當日着咗運動衫同三個骨褲打底，所以唔驚！」同行的袁詠儀則說：「嗰度保安都幾嚴密，入休息室要經過一班高大嘅保安喎！喺慈善賽搞啲咁嘅嘢，影嗰個人真係要打屁股！不過阿城一身好肌肉唔怕畀人影。我都有喺女更衣室換過衫，但我背住個窗換，又有助手幫我住個窗，應該冇事。」

文：專案組