孫耀威（老孫）前晚跟緋聞女友陳美詩（Macy）參演《星光熠熠耀保良》，但未有同台演出，其後老孫缺席慶功宴，兩人未有碰頭。老孫昨日與DJ Bob及HotCha等出席時裝品牌活動時，對於有傳他鼻生瘤，他否認：「冇咁嚴重，我聲帶慣性爆血，莫講話唱歌，講嘢都唔得，醫生話一定要全面休息先會好番。」老孫更透露將要為鼻患開刀，事緣去年「炒車」受傷，令鼻骨移位頂住肌肉而發大：「醫生要切細肌肉，拍正鼻骨。」因為手術後要休息，他被迫暫別樂壇：「好沮喪，用咗成年匿埋屋企寫歌，點知冇得唱，依家中西合璧治療。」籌備已久的國語碟亦被迫擱置。

陳美詩（前）前晚出席慈善騷後，祝福孫耀威早日康復。

范振鋒（左起）、Bob與HotCha，昨日一同出席活動。

中西合璧醫治

問到緋聞女友Macy可有慰問？他說：「朋友式問候囉！」但Macy卻相當清楚老孫的病況：「前晚佢唔舒服走先啫！我哋唔係避碰面，佢爆聲帶，一唱一驚心，暫時唔可以唱歌，我會祝福佢。（陪睇醫生？）睇醫生咁私人，佢中西合璧醫緊。」另外，司儀范振鋒坦言喜歡到沙灘曬太陽，更曾遇熱情Fans：「嗰時我除晒衫曬太陽，佢不停問我嘢，最後我曬咗十分鐘就走。」他透露新香蕉俱樂部下月出碟，希望成功打入內地市場。