自封慳妹的鍾舒漫（Sherman），早前到美國遊玩時豪擲6萬元置裝，獻上最豪的一次！Sherman說：「早前去洛杉磯學跳舞，順便遊樂一番，朋友帶我周圍玩，又去星光大道，又食海鮮，好開心！」不過旅程中最值得一提是瘋狂Shopping，原本預算4萬元使費，最後變成6萬元：「我畀藉口自己，話Artist需要好多衫，最後買咗幾廿件，好多都係香港買唔到嘅品牌，仲有唔少Vintage（古着），我都好錫住佢哋，將佢哋真空包裝先入篋！」一篋去、三篋返的Sherman直言，未試過Shopping咁爽，雖然揮金如土難免肉赤，但她說：「聽到朋友係咁讚我啲衫，就乜都抵晒啦！」