說起耳環，李思欣侃侃而談：「我由做Model開始儲耳環，因為想出Function時可以用嚟襯衫，後來出Trip、去旅行見到鍾意嘅就買，知我鍾意儲耳環嘅Fans，每逢我生日都會寄一大箱耳環畀我，慢慢買吓儲吓愈來愈多，買耳環唔同買衫，唔使件件都着上身先可以睇到效果，所以每次買親，我都可以四、五十對咁買。」

愛誇張搶眼

清代學者李漁在《閒情偶寄》中說：「飾耳之環，愈小愈佳，或珠一粒，或金銀一點。」思欣自言曾鍾愛小耳環，至近年才變心，她說：「我起初都鍾意啲形狀細嘅耳環，但近年覺得出鏡戴大啲、誇張啲嘅耳環，會好睇啲、搶眼啲，所以轉投啲『叮叮噹噹』嘅耳環。試過帶一袋仔耳環出Trip，點知返到香港就唔見咗隻，買都買唔番，惟有一邊心痛，一邊戴單邊一隻。」

內地女Fans每年均會寄上四、五十對耳環賀李思欣生日，令她十分感動！	購自澳洲的耳環及鏈，李思欣愛其民族風的設計特色。	美國朋友亦幫李思欣在外地搜購特色耳環。

耳環有段古

耳環，古稱珥、璫。有說耳環最早出現於漢朝，但戴耳環之風要到宋朝才盛行，今時今日則變成了一種普遍的飾物，製作材料亦變得多樣化，金屬、石頭及木等物料都有，當然由最堅硬物料—鑽石製造而成的耳環，最令女性趨之若鶩。

李思欣自掏腰包買下的鑽石耳環，並說：「點都要有一對看門口。」

面層透明的耳環首飾箱，購自北海道。