14/09/2009

播放本新聞相關短片

周柏豪爆緋聞女友買碟支持

周柏豪昨日出席新碟簽唱會，除獲逾百名歌迷到場支持外，並送上搞鬼禮物，柏豪婆婆亦現身支持乖孫，柏豪說：「婆婆由細到大都好錫我，記得細個百厭，倒瀉滾水，婆婆為咗救我，踢開個熱水壺，搞到下半身畀滾水燙傷，依家仲有疤痕。」
周柏豪向婆婆送吻，感謝她的支持。
  • 周柏豪向婆婆送吻，感謝她的支持。

問到緋聞女友鍾浠文為何不現身撐場，柏豪反問：「依家呢個時間仲請佢？」不過他表示鍾浠文亦有自掏腰包買他的新碟，並獲他親筆簽名。