關心妍（Jade）前晚完成《Shining as Star妍亮生命音樂佈道會》最後一場，對於被指暗示楊千嬅臨時甩底，Jade說：「同千嬅有聯絡，大家明白係誤會。（嬲千嬅？）希望佢唔好嬲我！」她強調千嬅因檔期而不能出席。她透露因忙於工作而被未婚夫投訴：「婚紗仲未搞掂，有啲緊張！（請圈中人去？）峇里婚禮淨係請蔡一智，因為佢係媒人，應該11月喺香港補辦結婚Party。」而鍾舒漫表示很早之前已答應出席活動，故未想過臨時退出。