文詠珊（JM）冧掂老闆黎明成功升呢，亦有不少藝人進軍模特兒界，連昔日與JM合作拍戲的好姊妹江若琳（Elanne），亦瞄準時機進身模特兒行列！據知，由於日本的大型時裝騷《Tokyo Girls Collection》掀起熱潮，又一城將於本周四至周六舉行3日大型Fashion Week，廣邀城中超過20位名模行騷，打造港版TGC！今次的行騷名單上，除有Lisa S.、Ana R.、莊思敏及謝婷婷等專業模特兒外，連Elanne、JM、諸葛梓岐及華姐苟芸慧等亦榜上有名，Elanne及JM更會於周六的閉幕日上同場較量！
Elanne日前先到又一城試身，獲服裝客戶大讚有名模風範，問到是否想與JM齊齊做名模？她即大笑說：「梗係唔係啦！我以唱歌拍戲為主，做模特兒係玩票性質咋！」不過Elanne與模特兒試身當日，JM卻不見蹤影，有指她為了避開與其他模特兒同場，但遭大會公關否認：「JM多嘢做先配合唔到啫！（有特權？）咁又唔會！」
另外，據知去年有份行騷的Angelababy今年拒絕邀請，問到是否避開與JM同場？大會發言人驚訝地說：「我諗唔係啩？Baby有工作在身先嚟唔到啫！」
