貴為o靚界女神的JM（文詠珊），今年曾因拒絕與經理人續約被雪，令她沉寂好一陣子，被其他o靚模爬頭，幸終獲黎明賞識，有傳黎天王以高價每年2百萬元的包薪將她收歸旗下，還冊封她為「模Art」，加上樂基兒（Gaile）對JM相當關照，再度「升呢」有望！

在模界早已打響名堂兼人緣佳的Gaile，最近暗中發功捧JM。JM身高只有168cm，並未達專業模特兒標準，但仍獲得品牌Ted Baker邀請於今午行時裝騷，全靠老闆娘Gaile穿針引線，兩人更會首次同台行騷。

「巧合」前後腳現身

不施脂粉的Gaile日前現身金鐘太古廣場的Ted Baker試衫，只見她駕輕就熟，只需10數分鐘便試完身，並獨自離開再到銅鑼灣時代廣場，為另一鞋履品牌Fitting。完成試身後，Gaile匆匆買沙律醫肚，便上保母車到中環Set頭。

Gaile離開太古廣場不久，戴上口罩的JM「巧合」地由助手陪同抵達。由於行騷經驗尚淺，JM試穿多件服飾，包括粉紅色背心連身裙配黑色帽子，只見她在鏡前照來照去，再披上紅色大褸，又對鏡托胸，務求營造豐滿效果。期間更有店內職員及助手幫忙，儼如女王般服侍。其後店員再拿出一條紫綠色裙子讓她試身，可惜裙子尺碼過大，JM最後共試四套服飾，逗留半小時後，便戴上黑超和助手離開。當她發現記者時亦十分有禮，談到能與老闆娘Gaile孖住行騷，JM謹慎地說：「有咩人同場我唔係好清楚，公司淨係通知我嚟試衫，不過我太瘦，有啲衫都鬆，但都有啲啱我Size。」

刻意成熟 JM穿上紫綠格仔裙，可惜尺碼太大而衣不稱身。	專人服侍 JM獲店員及助手全程傍實，服侍周到。	教路托胸 JM獲店員教路，希望營造谷胸效果。
JM在店內共試了四套衣服，逗留約半小時。	JM離開時戴上黑超，並親切地揮手，星味大增。

衞蘭唔怕被搶鏡

此外，JM同門師姊衞蘭昨日精神奕奕出席活動，身體已康復的她最近積極健身，為下月開拍的「雙J」電影做準備，她承認將與JM合作拍戲，但未能透露詳情，問到會否怕比較？她說：「唔諗呢啲，我同佢各有各Talent，唔會諗搶鏡。」有指兩人爭寵，衞蘭表示黎明疼錫每個藝人，不會偏心：「佢（JM）係公司新簽藝人，着重佢都唔出奇，我冇所謂！」衞蘭透露妹妹衞詩生活健康又正常，得知黎明婚訊也感高興。

衞蘭力撐老闆黎明個個都錫，沒有偏心。

SoSo姐金句：明嫂出面壯聲勢，擊退勁敵冇走雞！